Клеменс

трагікамедыя

     Спектакль «Клеменс» пастаўлены па п’есе літоўскага драматурга Казіса Саі. П’еса распавядае пра тое, як жыхары нейкай вёскі Дзевяцібедаўкі прамянялі сваю духоўную свабоду, свае таленты і песні на матэрыяльны дабрабыт.

     Жыла-была небагатая, але шчаслівая сваімі песнямі вёска. Ды вось аднойчы занесла ў тую вёску заморскіх купцоў. І прывезлі яны з сабой супер-быка Клеменса, які нечувана паляпшае пароду кароў. Ўсёй вёскай збіралі людзі грошы на быка. Купілі. І ператварыўся сялянскі побыт у сытае жыццё на кісялёвых берагах малочнай рэчкі. Адна праблема – не любіў Клеменс песень. І таму вёска заціхае ў сытым, але зусім бязрадасным і тупым існаванні. Пакуль не знаходзіцца вясковы музыка, які граў на піле. І вось менавіта ён асмельваецца пратэставаць супраць ўсеагульнага здранцвення ...

Аляксандр Калагрыў, Ігар Уланаў, Святлана Завадская, Аляксандр Матвейчык, Аксана Плікус, Васіль Мініч, Ірына Купчанка, заслужаны артыст Рэспублікі Беларусь Сяргей Курыленка, Ганна Іванова, заслужаная артыстка Рэспублікі Беларусь Людміла Волкава, Натэла Бялугіна, Наталля Лявонава, Вераніка Мініч, Аляксей Станога, заслужаны артыст Рэспублікі Беларусь Аляксандр Шэлкаплясаў, Аляксандр Дзям’янаў, Мікалай Вілімовіч, Уладзімір Капранаў, Стэла Ракутуарысуа, Эльдар Данільчык, Аляксандр Глотаў.