Сёння ў тэатры адбыўся тэхнічны савет. Рэжысёр-пастаноўшчык Сяргей Яскевіч пачаў рэпетыцыі новага спектакля ў жанры неверагодныя падзеі ў двух актах «Смерць Тарэлкіным». Сумесна з галоўным мастаком тэатра Таццянай Сакалоўскай прадставілі службам макеты дэкарацый і эскізы касцюмаў.
П'еса «Смерць Тарэлкіна» з трылогіі «Карціны мінулага» была напісана А.В.Сухаво-Кабылiным больш за 150 гадоў таму. Сёння, праз паўтара стагоддзя, аўтар дапытліва глядзіць на нас са старонак свайго твора. Тыя ж пытанні, тыя ж праблемы, усё той жа чалавек.
За патокам сатырычнай адысеі, хаваюцца важныя, агульначалавечыя пастулаты: пра сумленне, справядлівасць, маральнасць.
Спалучэнне бытавога рэалізму і гратэску, сатыры і фантастыкі абяцае гледачу асаблівы эстэтычны вопыт.
Прэм'ера спектакля запланавана да Міжнароднага дня тэатра 27 і 28 сакавіка.