Сёння ў тэатры адбылася прэс-канферэнцыя для СМІ, прысвечаная будучай прэм'еры. Новы спектакль па п'есе Керэн Клімоўскі «Удава, карантышка, цюлень і іншыя» гледачы ўбачаць ужо ў будучую нядзелю 22 сакавіка.
На пытанні прадстаўнікоў СМІ адказалі рэжысёр-пастаноўшчык Генадзь Мушперт, а таксама акцёры Аксана Плікус, Ігар Уланаў і Аляксандр Калагрыў.
Журналістаў заўжды перш за ўсё цікавіць пытанне, чаму была выбрана тая ці іншая п'еса. Не выключэннем стала і сённяшняя сустрэча.
Генадзь Мушперт, рэжысёр-пастаноўшчык прэм'ернага спектакля: «Першым складнікам майго выбару стала інфармацыя пра аўтара. Керэн Клімоўскі насамрэч можна назваць грамадзянінам свету. Нарадзілася ў Маскве, школьныя гады правяла ў Ізраілі, куды рэпатрыявалася разам з бацькамі. Два гады пражыла ў Мінску, дзе працавалі бацькі. Затым скончыла універсітэт у ЗША. А цяпер жыве ў Швецыі. Гэтыя абставіны падштурхнулі мяне на тое, каб прыгледзецца да п'есе. Другі аспект – тут я быў цалкам абсалютна абаронены атмасферай твора, яе канструкцыяй, яе лексікай ад думкі, што ў ім нешта не так ».
Сама п'еса «Удава, карантышка, цюлень і іншыя» вытканая з трох навел пра каханне. Тры навелы, тры гісторыі кахання.
Вось ўдава, для якой каханне – гэта, калі выконваеш абяцанні...
Вось ахоўнік у цырку, які пранёс сваё дзіцячае каханне праз усё жыццё...
Для хатняй гаспадыні каханне – гэта страх страціць яго... Бо, чым больш доўжыцца шчасце, тым даражэй давядзецца за яго расплачвацца.
Усе героі, такія розныя і не падобныя адзін на аднаго, спрабуюць адказаць на пытанне – дык што ж такое каханне?
Прадстаўнікоў СМІ цікавіла таксама, што думаюць акцёры пра сваіх герояў.
Аксана Плікус, выканаўца ролі Удавы: «Я іграю пра сваю маму. Пра адну з сотняў тысяч жанчын, якія адно каханне пранеслі праз усё жыццё, захавалі вернасць сваёй палоўцы».
Алексндр Калагрыў, выканаўца ролі Суддзі: «Мой герой хутчэй антысуддзя. Суддзя судзіць іншых, а мой персанаж судзіць, у першую чаргу, сябе і заклікае да гэтага ж і гледачоў. Паглядзець на сябе, задумацца пра свае ўчынкі».
Ігар Уланаў, выканаўца ролі Ахоўніка: «Мне вар'яцка падабацца мой герой. Калі б прапанаваныя абставіны жыцця ў гэтага чалавека былі іншымі, не было б гэтай выдатнай гісторыі, якая зводзіць з розуму сваёй шчырасцю. Тое, што здарылася з маім героем у дзяцінстве, юнацтве, падштурхнула яго дух, яго ўнутраны стан на ўчынкі, якія ён здзейсніў дарослым. Кахаць, так кахаць. Ваяваць, так ваяваць. На мой погляд – гэта выдатна».
Наш спектакль, па словах рэжысёра, будзе цікавы тым, хто здольны суперажываць, і калі чалавека нішто не закране ў пастаноўцы, то варта задумацца над сваім жыццём.
Прэм'ерныя паказы спектакля адбудуцца 22, 28, 29 сакавіка.
Загрузка...
