Рыхтуючыся да 70-годдзя тэатра, мы вырашылі адсланіць тэатральную заслону і паказаць нашым гледачам некаторыя таямніцы закулісся. У канцы верасня адбылася прэм'ера спектакля «Святыя пачвары» паводле п'есы французскага драматурга Жана Както. П'еса распавядае пра закуліснае жыццё акцёраў, пра камічныя і драматычныя моманты з жыцця «святых пачвараў».
Многія гродзенцы ўжо змаглі пазнаёміцца з выставай "Драме - 70. Рэтраспектыва". Экспазіцыя прысвечана гісторыі Гродзенскага абласнога драматычнага тэатра. На ёй прадстаўлены фота спектакляў і непасрэдна гісторыя нашага тэатра.
Мы вырашылі на гэтым не спыняцца. Учора на паркеце Вялікай залы адкрылася новая выстава сцэнаграфіі. Галоўны мастак тэатра Таццяна Сакалоўская і мастак-пастаноўшчык Надзея Бялова прадставілі макеты дэкарацый і эскізы касцюмаў некаторых сваіх спектакляў. Гледачы пазнаюць сярод работ як спектаклі сённяшняга рэпертуару, так і самыя яркія пастаноўкі мінулых гадоў.
У Беларусі выставы сцэнаграфіі праходзяць даволі рэдка, раз у некалькі гадоў. Мы плануем, што ў гледачоў будзе магчымасць азнаёміцца з нашай экспазіцыяй да канца года.
Убачыць рэпартажы з адкрыцця выставы можна перайшоўшы па спасылках:
ТРК "Гродна"
"Гродна Плюс"
Загрузка...
