Нацыянальны акадэмічны тэатр імя Янкі Купалы
Аўтар - Дарыа Фо, Франка Рамэ
Рэжысёр - пастаноўшчык -Венедыкт Растрыжэнкаў
Мастак - Валерый Юркевіч
Жанр - трагіфарс
Працягласць – 1 гадзіна 10 хвілін
Спектакль па п'есе італьянскага драматурга Дарыё Фо, лаўрэата Нобелеўскай прэміі па літаратуры, і яго сааўтара, яго жонкі, вядомай італьянскай актрысы Франкі Раме распавядае пра лёс звычайнай жанчыны сярэдніх гадоў, якая ў камедыйным, наўмысна бязладным маналогу перад непрыметнай/нябачнай суседкай-суразмоўніцай паспявае расказаць пра сваё жыццё і праблемы, - сямейныя, бытавыя, любоўныя, экзістэнцыянальныя.
Накіроўваючыся жанрам трагіфарса, у якім пераплятаюцца элементы трагедыі і фарсу, спектаклю ўласцівыя сатырычная накіраванасць, гратэск і чорны гумар, сарказм і іронія, характэрнае перапляценне сур ёзнага і смешнага. Усяго адзін вечар, у які змясціўся цэлы жаночы лёс.
Гэта гісторыя заканчваецца адкрытым фіналам, які прымушае задумацца пра жанчыну ў сённяшнім грамадстве. Пра яе часта схаваную адзіноту, з якой яна спрабуе, як умее, вырвацца, пазбавіцца ад навязаных ёй звыклых другарадных роляў. А людзі побач бачаць у яе паводзінах толькі смешнае, часам недарэчнае і пацешнае.
Спектакль ідзе на беларускай мове.
Прэм'ера – 23.12.2021